Pepadhang sumunar ing pepeteng tumrap wong jujur

1. Pepadhang sumunar ing pepeteng tumrap wong jujur, sing ambek asih, ambek welas lan adil. Begja wong sing ambek welas lan seneng nyilihi, sing nindakake ayahane ing sabene.

2. Wong jujur salawase atine ora miyar-miyur, lan bakal dieling-eling ing salawase; ora bakal ngedhap karo tekane kabar bilahi, atine tataq, imane teguh marang Pangeran.

3. Atine tataq, ora sumelang, tumindake blaba, wong miskin diwenehi dana kajujurane tetep ing salawase, kasuwure mundhak-mundhak bareng karo kamulyane.

1. Para putraning Allah, unjukna marang Pangeran, unjukna marang Pangeran kamulyaning Asma Dalem, sujuda marang Pangeran ana ing padaleman Dalem.

2. Swanten Dalem Pangeran ngambah sadhuwuring banyu. Pangeran ngacaki banyu kang megung. Swanten Dalem Pangeran penuh kekuwatan. Swanten Dalem Pangeran ngedab-edabi.

3. Gusti Allahing kamulyan gumludhug, lan ana ing padaleman Dalem umat nguwuh, “Mulya!” Pangeran sinewaka ing sadhuwuring banyu, Pangeran sinewaka jumuneng Nata ing salawase.

Pangeran ngandika marang Gustiku, “ Lenggaha ing satengenKu, mungsuh-mungsuhmu bakal Dakdadekake bancike sikilmu

Saka Sion Pangeran bakal maringake teken keprabon; jumeneng Nata nguwasani mungsuh-mungsuhmu

Panguwasa wus koasta ing dinaning miyosmu kinantheng sunaring kasucian, wiwit ing guwa garba, durunge katon lintang rina

JAWA PRASAJA LAN LEGAWA (7 PERKARA DAN 3 PERKARA)

SAPTA PRASAJA

1. DATAN KENA CIDRA ING JANJI

Uwong kang dhemen cidra, ateges memalangi dalane ‘ dhewe, nyumpet rejekine’ dhewe’

1. DATAN KENA MELIK INGKANG DUDU  DARBEKE

Uwong kang dhemen melik ingkang dudu darbeke eteges duwe’ watak angkara budi candhala

1. LAMUN SALAH KANDHAKNA SALAH YEN BENER KANDHAKAN BENER

Aja nganti dhandang diunekake kuntul, kuntul diunekake dhandang, wiwit jaman kuna tumekaning kiamat, yen dhandang ulese’ ireng yen kuntul ulese’ putih

1. AJA DUMUK

Uwong kang dhemen umuk bakal nyilakake’ awake’ dhewe, candrane’ buta cakil perang karo janaka, kerise loro wusanane’ tumama marang wadhuke dhewe

1. DADI UWONG SING WEDI ISIN

Uwong kang ora ngerti isin tegese wong mblubut, mburok, candrane’ buta terong irunge’ mlenthung nutupi raine

1. AJA MERI

Uwong kang dhemen meri, wusanane’ dadi drengki, srehi lan dadi fitnah

1. AJA NGLAKONI MALIMA

Uwong kang dhemen malima, wusanane’ dadi goroh, slingkuh,clemer lan tegel

TRI LEGAWA

1. AJA GETUN LAMUN KELANGAN

Eling menawa bandha arta iku mung titipan, drajat-pangkat mung sampiran, nyawa mung gadhuhan

1. AJA SERIK LAMUN DIGAWE SERIK

Yen digawe serik balesen kabecikan, bakal menang tanpa ngasoraken

1. LAMUN KENA PANANDHANG PASRAHNA KANG MAHA KUWASA

Aja pisan-pisan ngundhamana kang gawe’ urip, nanging nyuwuna pituduh, pitulungan sarta kekuatan lahir batin

1 Suro 2012

Yen kawula ny awang langit karyaning asta Dalem, lintang rembulan ingkang dipun pasang, punapa ta manungsa punika dene dipun penggalih ? Punapa ta manungsa punika dene dipun reksa?

Titah ingkang langkung asor tinimbang Allah, dipun makuthani kaluhuran tuwin pakurmatan, dipun pasrahi karyaning asta Dalem, ngantos sadaya titah mangestu pada.

Sedaya menda lan sakathahing rajakaya, tuwin sato kawan ing ara-ara, peksi ing awang-awang lan ulem ing toya, ingkang ngambah telenging samodra.